Täjigistanyň hökümeti ýurtda mekdepler gurýan Türkmenistanyň ilçihanasyny 2022-nji ýylda salgytlar tölemekden boşadýar diýip 10-njy dekabrda “Türkmenistan:altyn asyr” habar berdi.
Täjigistanyň Dustin etrabynda aglabasy etnik türkmenler ýaşaýan Ergaş Sultonow obasynda 540 orunlyk mekdep gurlar.
Şol mekdebe türkmen klassyk edebiýatynyň pähimli şahyry Magtymguly Pyragynyň ady dakylar.
Mundan başga-da, müşteri we esasy kärendeçi goşmaça baha hem girdeji salgytlaryndan hem halas ediler. Şeýlede Täjigistandaky gurluşyk desgalary üçin getirilen harytlar we önümler hem bu salgytlardan gutylar.
Täjigistanyň Hatlon welaýatynda guruljak mekdebiň taslamasy hem gurluşygy üçin tenderi Türkmenistanyň gurluşyk hem heýkeltaraşçylyk ministrligi 2018-nji ýylyň iýunynda yglan edipdi.The post Täjigistanda mekdepler gurmak bilen meşgullanýan Türkmenistanyň ilçihanasyny Duşenbe salgytlar tölemekden boşadýar first appeared on Türkmenistanyň Hronikasy.