Tebigaty goraýjylaryň topary tebigatçy alym Çarlz Darwiniň yzlary boýunça dünýäniň daşyndan syýahata ýola düşdi diýip, Habar 24 ýazýar.
Taslamanyň çäklerinde ekologlar yklymlaryň 4-si boýunça iki ýyllyk syýahat ederler we deňiz portlarynyň 32-sinde labyr taşlarlar. Olaryň arasynda britan naturalistiniň baran portlary hem bar. Ýüzüş abatlanan golland gämisinde amala aşyrylar.
Guramaçylaryň gürrüň bermegine görä, olar umman plastigini we merjen gaýalaryny öwrenmekçi, şeýle-de deňiz guşlarydyr läheňleri we delfinleri synlamakçy bolýarlar.
Darwin 200 diýlip at berlen taslama 10 ýyl töweregi wagtlap taýýarlyk görüldi.
Stýuart Makfersin, taslamany dörediji we ýolbaşçysy şeýle gürrüň berýär: - Biz howanyň üýtgemeginiň netijelerini ýumşatmakda kömek etmekçi bolýarys. Agaç oturtmak, merjen gaýalaryň ýagdaýyny öwrenmek, ummanyň biodürlüligini seljermek maksadymyz bar. Biziň maksadymyz diňe olary öwrenmek däl-de, bar bolan meseleleriň çözgütlerini tapmakdyr.