Ýeňil agramda (70 kg çenli) UFC-niň titulyna öňki dalaşgär we Bellatoryň eks-çempiony, amerikaly Maýkl Çendler indiki gezek watandaşy Dastin Porýe bilen tutluşar. Başa-baş söweş 12-nji noýabrda geçer diýip, UFC-niň metbugat gullugy habar berýär.
Göreş UFC 281 turniriniň çäklerinde Nýu-Ýorkda (ABŞ) geçer we üç raunddan ybarat bolar.Täze Zelandiýaly Esrael Adesanýe bilen Aleks Pereýronyň arasyndaky titul üçin göreş agşamyň esasy başa-baş göreşi bolar.
Maýkl Çendleriň birnäçe göreş üçin şertnama gol çekendigi owal habar berlipdi. Çendler özüniň soňky göreşinde Toni Fergýusony nokaut bilen utandygyny ýatladýarys.Dastin Porýe Çarlz Oliweýra bilen duşuşyp, göreşde sabmişen bilen ýeňildi.