ABŞ-nyň Ýol hereketiniň howpsuzlygyny ätiýaçlandyryş instituty — IIHS — doly ölçegli Toyota Tundra XK70 pikapyny barlagdan geçirdi. Barlaglaryň netijesi boýunça ulag Top safety pick+ baýragyny gazandy diýip, IIHS-iň resmi saýtynda habar berilýär.
Ramaly pikap Toyota Tundra IIHS-iň urga durnuklylygyň alty bahasy boýunça oňat bal aldy.Ol sürüjiniň oturan tarapyndan az-kem urgy bolanda öň tarapynyň kraş-synagyny hem öz içine aldy. Şeýle-de, öňde oturan ýolagçy taýdan hem sähel urgy berlip, şonuň ýaly synag geçirildi.
Ondan hem başga, ulagyň islendik çaknyşmanyň öňüni alyş, awtoulaglaryň we pyýadalaryň öňünde awtomatik usulda saklanyp biliş ulgamlaryna-da oňat baha berildi.Toyota Tundra XK70 2021-nji ýylyň sentýabrynda bazara çykaryldy.
Ulag Toyota F1-iň (TNGA-F) şassisiniň üstünde gurlan.Edil şol bazadaToyota Land Cruiser 300 we Lexus LX wnedorožnikleri hem goýberilýär.Tundra resmi ýagdaýda diňe Demirgazyk Amerikada satylýar.