Adatylardan köpräk wagt dowam eden tomusky transfer möwsümi-de tamamlandy. Şol döwürde
ýüzlerçe futbolçy klubuny üýtgetdi, käbirleri ozalky klublaryna dolandy,
uzak-gysga möhletleýin, kärendesine şertnamalar baglaşyldy. Ine soňky hepdäniň
dowamynda transfer bolan futbolçylaryň käbirleri:
Urugwaýly hüjümçi Edinson Kawani PSŽ-den “Mançester Ýunaýtede” (2+1 ýyllyk şertnama), braziliýaly çep gyraky goragçy Aleks Teýýes “Portodan” “Mançester Ýunaýtede” (3+1 ýyllyk şertnama), ganaly ýarymgoragçy Tomas Parti “Atletiko Madridden” “Arsenala” (50 million ýewro), germaniýaly hüjümçi Mario Gýotse “Borussiýa “Dortmunddan” PSW-e (2 ýyllyk şertnama), italiýaly hüjümçi Moýza Kin “Ewertondan” PSŽ-ä italiýaly hüjümçi Federiko Kieza “Fiorentinadan” “Ýuwentusa” (2 ýyllyk kärendesine, 10 million ýewro), fransiýaly ýarymgoragçy Tiemeu Bakaýoka “Çelsiden” “Napoli” toparyna, argentinaly ýarymgoragçy Diego Perotti “Romadan” “Fenerbahçä” (2+1 ýyllyk şertnama), horwatiýaly hüjümçi Nikola Kaliniç “Romadan” “Hellas Werona”, niderland hüjümçisi Jastin Kluiwert “Romadan” “Leipsige” (kärendesine), braziliýaly ýarymgoragçy Duglas Kosta “Ýuwentusdan” “Bawariýa” (kärendesine), Erik Maksim Çupo-Moting PSŽ-den “Bawariýa”, fransiýaly ýarymgoragçy Matteo Gundozi “Arsenaldan” “Herta Berline”, italiýaly goragçy Matteo Darmian “Parmadan” “Intere” (kärendesine) ispaniýaly goragçy Rafinýa “Barselonadan” PSŽ-ä, özbegistanly hüjümçi Eldor Şomurodow “Rostowdan” “Jenoa”, urugwaýly Lukas Torreýra “Arsenaldan” “Atletiko Madride” toparyna geçdi.