Trump, Ministrler Kabinetiniň anna güni Merilend ştatyndaky Kemp Devidde geçirilen mejlisinde žurnalistlere beren beýanatynda: Biz diňe ýeňmek isleýäris. Işler örän gowy barýar. Şeýle ýagdaýda mümkin boldugyça sypaýçylykly çemeleşmäge çalyşýarys. Emma olar ýok edilýär diýdi.
Bu örän adaty ýagdaý diýen Trump: Eýran hiç haçan ýadro ýaragyna eýe bolmaz diýdi.
Trump: Biz Eýrana örän güýçli zarba urarys we netıjede olar: “Mundan artyk çydap bilmeýäris” diýerler diýip, belledi.
ABŞ-nyň Prezidenti Eýranyň henizem güýçlidigi hakyndaky habarlaryň hakykaty beýän etmeýändıgını aýtdy.
Trump: Eýranyň ýagdaýy örän erbet. Olar dogruçyl hereket etmediler. Gepleşiklerde aşa derejede mekir çemeleşdiler diýdi.
Eýran bilen dowam edýän urşy ABŞ-nyň Wýetnamdaky we Owganystandaky uruşlary bilen deňeşdiren Trump, ABŞ-nyň bu çaknyşyga bary-ýogy bäş aý bäri gatnaşýandygyny we Eýranyň harby kuwwatyny ýok edendiklerini aýtdy.
Trump, Eýran bilen geçirilýän gepleşikler barada bolsa: Olaryň maňa bolan ynamy däl, meniň olara bolan ynamym ýitýär, sebäbi olar ýalan sözleýärler diýdi.
Trump şeýle hem: Biz gepleşikleri dowam etdirýärdik. Men Stiwiň (Witkoffyň) maňa telefon etmegine garaşýardym. Men gepleşik alyp barýardym, ýöne onuň ýerine Petden (Hegset) Iordaniýadaky bazalarymyzyň birine bäş raketa atylandygy barada jaň geldi. Biziň Iordaniýada bazalarymyz bar diýdi.
ABŞ soňky hepdelerde Eýranyň dürli sebitlerine birnäçe hüjüm gurady we munuň Eýranyň Ormuz bogazynda söwda gämilerine garşy amala aşyran hüjümlerine jogap hökmünde edilendigini beýan etdi. Tähran bolsa oňa jogap hökmünde Aýlag sebitindäki birnäçe ýurtda, şol sanda ABŞ-nyň Iordaniýadaky bazasy bilen birlikde ABŞ-naa degişli harby desgalary hem-de bazalary nyşana alandygyny mälim etdi.
Fewral aýynda başlan urşy bes etmek we durnukly parahatçylyk ylalaşygyny gazanmak üçin ABŞ bilen Eýranyň arasynda iýun aýynda Pakistanyň töwellaçylyk etmeginde baglaşylan çarçuwaly ylalaşyga garamazdan sebitdäki dartgynlylyk hasam güýçlendi.