“Haber Türk” gazeti, “Prezident Erdogandan möhüm ýüzlenmeler” söz başyly habarynda, Prezident R. T. Erdoganyň düýn mugallymlar bilen bolan duşuşygynda eden çykyşynda, “Mugallymlarymyzy nyşana alanlary derbi-dagyn ederis. Ýurdumyza abanýan howp dolulygyna ortadan aýrylýança terrora garşy egilşiksiz göreşimizi dowam etdireris” diýendigini mälim edýär.
“Star” gazeti, Prezidentiň orunbasary Fuat Oktaý: “Terrora garşy göreşde egilşik etmeris” söz başyly habarynda, Prezidentiň orunbasary Fuat Oktaýyň, düýn paýtagt Ankarada beren beýannamasynda, “Hataýdan Hakkara çenli günorta serherlerimizde terrora garşy alyp barýan egilşiksiz göreşimizi dowam etdireris” diýen sözlerine ýer berýär.
“Sabah” gazeti, “Ministr Çawuşogly, Finlýandiýanyň Daşary işler ministri Pekka Haawisto bilen telefon arkaly söhbetdeşlik geçirdi” söz başyly habarynda, Daşary işler ministri Mewlüt Çawuşoglynyň düýn Finlýandiýanyň Daşary işler ministri Pekka Haawisto bilen telefon arkaly söhbetdeşlik geçirendigini ýazýar. İki kärdeş telefon söhbetdeşliginde Ukrainada başdan geçirilýän soňky wakalar we galla geçelgesi ylalaşygy hakynda pikir alyşdy.
“Hürriýet” gazeti, “Ministr Akar, Rus kärdeşi Şoýgu bilen telefon arkaly söhbetdeşlik geçirdi” söz başyly habarynda, Milli Goranmak ministri Hulusi Akaryň, Russiýanyň Goranmak ministri Sergeý Şoýgu bilen telefon arkaly söhbetdeşlik geçirendigini mälim edýär. İki kärdeş telefon söhbetdeşliginde sebitara howpsyzlyk we goranyş meselesi hakynda pikir alyşdy.
“Ýeni Şafak” gazeti, “Ýerli awtoulag TOGG-yň önümçiligi dowam edýär” söz başyly habarynda, Türkiýäniň ýerli we milli awtoulagy TOGG-yň önümçilik desgasynyň 29-njy oktýabrda Jemhuriýet baýramynda dabaraly ýagdaýda açylmagyndan soň ulagyň öndürilmegi işleriniň güýçli depginde dowam edýändigini we 227-nji ulagyň öndürlendigini nygtaýar.