“Haber Türk” gazeti, “Erdogandan Lozanna ýüzlenmesi” söz başyly habarynda, Prezident R. T. Erdoganyň, Lozanna parahatçylyk şertnamasynyň baglaşylmagynyň 100-nji ýyly mynasibetli ýüzlenme çap edendigini ýazýar.
Erdogan “Eziz halkymyzyň doly garaşsyzlyk göreşi, Lozanna parahatçylyk şertnamasy üçin geçirlen gepleşiklerde we gol çekişlik etabynda oňyn netije berdi” diýdi.
“Sabah” gazeti, “Erdogan:DKTR-na güýçli goldaw bermäge dowam ederis” söz başyly habarynda, Prezident R. T. Erdoganyň, DKTR-na berilýän güýçli goldawyň dowam etjekdigine ünsi çekendigini nygtap, “Kipr adasynyň parahatçylygynyň üpjün edilmegi üçin elimizden geleni ederis” diýen sözlerine ýer berýär.
“Star” gazeti, “Altun: Türkiýäniň hakly gowgasyny halkara arenada götermäge dowam ederis” söz başyly habarynda, Kommunikasiýalar edarasynyň Başlygy Fahrettin Altunuň, guramanyň döredilen gününiň 5-nji ýyly mynasybetli wideo ýüzlenme berendigini ýazýar. Altun ýüzlenmesinde; “Edaramyz hakykat göreşinde egilşik etmän, jemgyýete dogry, açyk we çalt maglumat bermäge dowam eder” diýdi.
“Ýeni Şafak” gazeti “ABŞ-nyň umydy Erdogan” söz başyly habarynda, Amerikanyň Birleşen Ştatlarynyň Döwlet sekretarlygynyň Gara deňiz galla ylalaşygynyň gaýtadan dikeldilmegi boýunça Prezident Erdoganyň Russiýanyň döwlet Ýolbaşçysy Wladimir Putin bilen geçirmegi göz öňünde tutulýan duşuşygyndan oňyn netije almagyndan umytlydygyny beýan edendigini okyjy köpçüliginiň dykgatyna ýetirýär.
“Hürriýet” gazeti “Türk dronlarynyň syry” söz başyly habarynda, Amerikanyň “Al Monitor” habarlar saýtynyň türk uçarmansyz howa ulaglarynyň meşhurlygyny analiz edendigini ýazýar. Habarda Türkiýäniň 2019-njy ýylda dronlaryny satmaga başlamagyndan bäri Ukraina, Garabag, Liwiýa, Siriýa, Yrak, Efiopiýa we Somali bilen bilelikde dünýäniň ähli ýerindäki çaknyşyk sebitlerinde üstünlik bilen peýdalanylýandygyna üns çekilýär.