Ozal habar berşimiz ýaly, şu gün Gazagystanyň Astana şäherinde Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda Türki döwletleriň guramasynyň ýubileý X sammiti geçirildi.
Sammite Türkiýäniň Prezidenti Rejep Taýyp Ärdogan, Azerbaýjanyň Prezidenti Ilham Aliýew, Gyrgyzystanyň Prezidenti Sadyr Žaparow, Gazagystanyň Prezidenti Kasym-Žomart Tokaýew, Özbegistanyň Prezidenti Şawkat Mirziýoýew, Wengriýanyň Premýer-ministri Wiktor Orban hem-de TDG-niň Baş sekretary Kubanyçbek Ömüraliýew dagy hem gatnaşdylar.
Sammitiň jemleri boýunça 12 sany resminama gol çekildi. Olar şulardan ybarat:
Astana kararnamasy (akty);
Türki döwletleriň guramasynyň X sammitiniň jarnamasy;
Özbegistanyň Prezidenti Şawkat Mirziýoýewi Türki dünýäniň ýokary ordeni bilen sylaglamak hakynda döwlet Baştutanlarynyň karary;
Türki dünýäniň maliýe merkezi derejesini bermek barada döwlet Baştutanlarynyň karary;
Türki döwletleriň guramasynyň täze baýdagyny döretmek hakyndaky karar;
Döwlet Baştutanlarynyň wezipä bellemek baradaky karary;
Ykdysady hyzmatdaşlyk guramasyna Türki döwletleriň guramasyna synçy derejesini bermek baradaky karar;
6-njy fewraly tebigy betbagtçylyklarda pida bolanlary hatyralamak we Türki döwletleriň guramasynda raýdaşlyk güni hökmünde tassyklamak baradaky karar;
Türki döwletleriň guramasynyň Sekretariatynyň býujet dolandyryş düzgünleri baradaky karar;
Türki döwletleriň guramasynyň hemişelik wekilleri hakyndaky Düzgünnamany işläp düzmek barada karar;
Türki döwletleriň guramasyna agza döwletleriniň meterologiýa ulgamynda hyzmatdaşlyk etmekleri baradaky teswirnama;
2023 — 2027-nji ýyllar üçin Ulag-aragatnaşyk Maksatnamasyny durmuşa geçirmek boýunça Türki döwletleriň guramasynyň Bilelikdäki hereketleriniň meýilnamasy (Ýol kartasy).