Türkmenistan we Hytaý Halk Respublikasy bilelikdäki iri işewürlik maslahatyna hem-de ýöriteleşdirilen sergä taýýarlyk görýärler.Ministrler Kabinetiniň mejlisiniň dowamynda wise-premýer N.Atagulyýewiň hasabat berşi ýaly, Hytaý tarapyndan bu çärelere gatnaşmaga eýýäm 80-den gowrak döwlet edarasy we hususy kompaniýa gyzyklanma bildirdi.
Hytaýly hyzmatdaşlar ykdysadyýetiň ileri tutulýan pudaklarynda gazanan öňdebaryjy işläp taýýarlamalaryny görkezerler.Sergide maşyngurluşyk, ýangyç-energetika toplumy, himiýa senagaty, gurluşyk, ulag, logistika, oba hojalygy we daşky gurşawy goramak ulgamlaryna degişli bölümler bolar.
Döwrebap tehnologiýalar sanly ulgamlar, internet hyzmatlary we elektron senagaty serginiň aýratyn ugruny emele getirer.Foruma türkmen tarapyndan ministrlikleriň we pudaklaýyn dolandyryş edaralarynyň ýolbaşçylary, şeýle hem Türkmenistanyň Senagatçylar we telekeçiler birleşmesiniň (TSTB) wekilleri gatnaşarlar. Çäräniň maksatnamasyna haryt dolanyşygyny artdyrmagyň we täze maýa goýum taslamalaryny durmuşa geçirmegiň anyk ädimleriniň ara alnyp maslahatlaşyljak ikitaraplaýyn duşuşyklary hem girizildi.
Türkmenistanyň Prezidenti Serdar Berdimuhamedow Hytaý Halk Respublikasy bilen gatnaşyklaryň strategik häsiýete eýedigini belledi. Şunuň bilen baglylykda, döwlet Baştutanymyz wise-premýere Aşgabatda geçiriljek Türkmen-hytaý işewürler forumynyň we sergisiniň ýokary guramaçylyk derejesini üpjün etmegi tabşyrdy.