2026-njy ýylyň 24-nji iýunynda Türkmenistanyň Gruziýadaky Ilçisi D.Seýitmämmedow Gruziýanyň Maliýe ministri L.Hutsişwili bilen duşuşdy.Duşuşygyň dowamynda taraplar maliýe-ykdysady ulgamyndaky ikitaraplaýyn hyzmatdaşlygyň häzirki ýagdaýyny we ony geljekde ösdürmegiň mümkinçiliklerini ara alyp maslahatlaşdylar. Özara maýa goýumlaryny giňeltmek, bank ulgamyny ösdürmek we salgyt ulgamyny kämilleşdirmek, maliýe gurallarynyň netijeliligini ýokarlandyrmak, şeýle-de durnukly ykdysady ösüşi üpjün etmäge gönükdirilen bilelikdäki başlangyçlary durmuşa geçirmek meselelerine aýratyn üns berildi. Şeýle hem taraplar iki döwletiň maliýe edaralarynyň arasyndaky özara ynamy berkitmegiň wajyplygyny nygtadylar we ykdysady gatnaşyklary pugtalandyrmak maksady bilen yzygiderli duşuşyklary hem-de tagallalary utgaşdyrmagy dowam etdirmäge taýýardyklaryny tassykladylar.