Hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi.Onda döwletimiziň durmuşyna degişli möhüm meseleler ara alnyp maslahatlaşyldy.Mejlisiň dowamynda Ministrler Kabinetiniň Başlygynyň orunbasary, daşary işler ministri R.Meredow BMG-niň Baş Assambleýasynyň 81-nji sessiýasynda Türkmenistanyň ileri tutýan garaýyşlary barada hasabat berdi.
Resminama döwlet Baştutanymyzyň başlangyçlarynyň esasynda taýýarlanyldy we halkara hyzmatdaşlygynyň birnäçe möhüm ugurlaryny öz içine alýar.Hususan-da, Türkmenistan BMG-niň howandarlygynda howpsuzlyk we öňüni alyş diplomatiýasy ýörelgelerine esaslanýan Ählumumy parahatçylyk strategiýasyny taýýarlamak boýunça döwletara geňeşmeleri geçirmegi meýilleşdirýär.
Mundan başga-da, halkara durnuklylygyny we ynanyşmagy berkitmäge gönükdirilen toplumlaýyn çemeleşmäni ilerletmek maksady bilen, Aşgabat 2027 2037-nji ýyllary Birleşen Milletler Guramasynyň Dialogyň we öňüni alyş diplomatiýasynyň onýyllygy diýip yglan etmegi teklip eder.