12-nji martda Yslamabatda Türkmenistanyň we Pakistanyň wekilleriniň arasynda TOPH gazgeçirijisi, Türkmenistan-Owganystan-Pakistan elektrik geçirijisi we optiki-süýümli aragatnaşyk ulgamynyň gurluşygy boýunça gepleşikler geçirildi diýip, Türkmenistanyň DIM-i habar berýär.
Pakistanyň premýer-ministri Imran Han TOPH gazgeçirijiniň, TOP elektroenergetika geçirijisiniň taslamasyna, Pakistanyň deňiz portlaryndan Türkmenbaşynyň halkara deňiz portlaryna çenli täze ulag-üstaşyr geçelgesiniň döredilmeginiň taslamasyna berk goldaw bildirdi diýip, beýanatda bellenilýär.
Duşuşygyň netijeleri boýunça, beýlekiler bilen bir hatarda, “Türkmenistan-Owganystan-Pakistan-Hindistan” gazgeçirijisiniň gurluşygynyň taslamasyny kabul edýän tarapyň hökümeti (HGA) bilen Şertnamanyň esasy şertlerine gol çekildi, emma şertler açylmaýar.
HGA daşary ýurt maýadary bilen ýerli hökümetiň arasyndaky ylalaşyk, ol daşary ýurtly maýadar bilen kabul edilji hökümetiň taslamanyň işlenip düzülmegine, gurluşygyna we soňy bilen ulanylmagyna dahyllu hukuklaryny we borçlaryny düzgünleşdirýär.
Ýatladýarys, TAPI Pipeline Company Ltd-niň başlygy Muhammetmyrat Amanow 2018-nji ýylyň dekabrynda Pakistanyň nebit we tebigy serişdeler ministri Gulam Sarwar Handan 2019-njy ýylyň martynda gazgeçirijiniň pakistan böleginiň düýbüniň tutulmagyna bagyşlanan dabaryny geçirmegi we ýylyň dowamynda onuň gurluşygyna girişmegi haýyş etdi.
Pakistanyň täze saýlanan premýer-ministri Imran Han 2018-nji ýylyň awgustynda TOPH geçirijisiniň gurlup bilinjegine şübhe bildirdi we Eýrandan gaz geçiriji gurmak niýetini mälim etdi.