Türkmenistan we Täjigistan nebiti gaýtadan işleýän bilelikdäki kärhananyň döredilmegini maslahatlaşdylar

Türkmenistan we Täjigistan nebiti gaýtadan işleýän bilelikdäki kärhananyň döredilmegini maslahatlaşdylar

“Türkmen Milli nebitgaz kompaniýasy” ýapyk görnüşli paýdarlar jemgyýetiniň baş direktory Maksat Pirliýew we Täjigistanyň Türkmenistandaky ilçisi Farruh Şarifzoda geçen anna güni Türkmenistanyň Daşary işler ministrliginde gepleşikleri geçirdiler.

Taraplar nebit we nebit önümlerini gaýtadan işleýän bilelikdäki kärhanany döretmek, şol sanda ol önümleri Täjigistana ibermek mümkinçiligini ara alyp maslahatlaşdylar. Bu barada Täjigistanyň DIM-niň metbugat gullugy duşenbe güni habar berdi.

Duşuşygyň dowamynda taraplar ikitaraplaýyn söwda-ykdysady meseleler barada hem pikir alyşdylar.

2016-nji ýylyň ýanwar aýynda döredilen “Türkmen Milli nebitgaz kompaniýasy” gözleg we buraw işlerini geçirýär, nebit-gaz çykarýar, şeýle hem nebit-gaz pudagynda halkara taslamalary durmuşa geçirýär.

“Türkmen Milli nebitgaz kompaniýasy” ÝGPJ-siniň paýdarlarynyň hatarynda Türkmenistanyň Prezidentiniň ýanyndaky Nebitgaz serişdelerini dolandyrmak we peýdalanmak baradaky döwlet agentligi, “Türkmengaz” we “Türkmennebit” döwlet konsernleri, “Türkmengeologiýa” döwlet korporasiýasy we Türkmenbaşydaky nebiti gaýtadan işleýän zawodlar toplumy bardyr.

Ýene degişli makalalar

Türkmenistanyň nebitgaz toplumynyň merkezi binasynda hasabat ýygnagy geçirildi
NAPECO kompaniýasy “Dragon Oil”-yň Çeleken çägi boýunça şertnamasyna goşulýar
“Baker Hughes” amerikan kompaniýasy OGT-2023 forumynyň kümüş hyzmatdaşy boldy
SOCAR “OGT 2023” halkara maslahatynyň we sergisiniň premýer hyzmatdaşy boldy
Saýra, dutar, parahatlyk mukamy!
Türkmenistanyň Döwlet medeniýet merkeziniň Mukamlar köşgünde geçirilen dabara