Türkmenistanyň Senagatçylar we telekeçiler birleşigi SITEX2024 dokma senagatynyň halkara sergisiniň geçiriljekdigini habar berdi. Şunuň bilen baglylykda, ýurduň telekeçilerine bu sergä gatnaşmak mümkinçiliginiň bardygy barada habar berýär diýlip, Türkmenistan: Altyn asyr saýtynda bellenilýär.
Gyzyklanma bildirýänler Eýran Yslam Respublikasynyň Mary şäherindäki Baş konsullygyna ýüz tutup bilerler: +99352260231. Guramaçylar: +989129472567; +989129479265.
Habarda bellenilişi ýaly, sergi şu ýylyň 4 — 7-nji iýuly aralygynda Eýran Yslam Respublikasynyň Yspyhan şäherinde halkara sergi merkezinde guralar. Sergi dokma pudagy üçin möhüm ähmiýete eýedir.
Bu pudak täzelikleri bilen tanyşmaga we işewürligi has-da gowulandyrmak üçin bar bolan müşderiler bilen duşuşmaga mümkinçilikdir diýlip, habarda bellenilýär.