Şu ýylda Türkmenistanyň halk ýazyjysy Döwletgeldi Annamyradowyň “Dünýäniň yşky” atly täze kitaby neşir edildi diýlip, Türkmen döwlet neşirýat gullugynyň resmi web sahypasynda habar berilýär.
Zehinli şahyryň “Söýgi sallançagy”, “Gara perişde” ýaly öňki kitaplary hem türkmen okyjylarynyň söýgüsini gazanmagy başardy.
“Dünýäniň yşky” atly täze kitaba awtoryň poeziýa bilen prozanyň arasyndaky özboluşly köprini emele getirýän proza eserleri — şol sanda hekaýalary, oçerkleri we miniatýuralary girizildi.
Ýygyndydaky eserler inçe lirizm aýratynlygy we wakalarynyň beýan edilişiniň täzeçilligi bilen tapawutlanýar.