Dünýä Türkmenleri programmamyzyň Eýranda ýaşaýan etniki türkmenleriň durmuşyna bagyşlanýan gepleşikler tapgyry dowam edýär.
Gepleşigimiziň geçen sanynda sungat taryhyny öwreniş ylymlarynyň doktory Abdyrahman Düýeji Türkmensähra türkmenleriniň ýaşaýyş-durmuş şertleri, etniki türkmenleriň kowçum bolup ýaşaýan sebitleriniň taryhy, bu ýerlere döwlet serhetleriniň çekilmegi netijesinde türkmen ilatynyň ýüzbe-ýüz galan kynçylyklary barada gürrüň berdi.
Ýatlasak, 1881-nji ýylyň sentýabr aýynda Rus patyşalygy bilen şol döwürdäki Pars şalygynyň arasynda Ahal şertnamasyna gol çekilip, Eýran bilen häzirki Türkmenistanyň arasynda döwlet serhetleri kesgitlendi.
Gepleşigimiziň bu sanynda gürrüňdeşimiziň eýran türkmenleri barada ýarym galan söhbetiniň dowamyny diňleýjilerimiziň dykgatyna ýetirýäris.