4-nji iýunda Turkmentextile Expo 2026 atly halkara sergi-ýarmarkasynda Fransiýaly, Marokkoly, Omanly, Özbegistanly, Russiýaly we Türkmenistanly dizaýnerleri bir ýere jemlän uly moda görkezmesi geçirildi.Britaniýanyň Vivienne Westwood modalar öýüniň baş müdiri Karlo D'amario we abraýly Fashion Channel Italy italýan feýşn-resursynyň esaslandyryjysy Marsio Noçeranyň gatnaşmagy bu dabaraly wakanyň ýokary derejede geçirilmegine ýardam etdi. Öz çykyşynda Marsio Noçera çakylygy üçin guramaçylara hoşallyk bildirdi we özüniň halkara-platformasynyň Ýer ýüzüne täze feýşn mümkinçilikleri açmaga kömek edýändigi barada aýdyp geçdi.
Görkezmäni Aşgabatdaky Türkmenistanyň Dokma senagaty ministrliginiň Miras modalar öýüniň özboluşly toplumy açdy.Dizaýnerler milli mirasyň täze şekile eýe bolup, döwrüň talaplaryna uýgunlaşyp bilýändigini subut etdiler.Her modeliň çykyşy janlanan sungat eseri ýaly göründi.
Türkmen halkynyň baý mirasynyň esbaplary iň kiçi böleklerinde zynatly matalardan nepislik bilen edilen nagyşlarda duýuldy.Lybaslaryň görkezmesi goýy gyzyl we ýumşak çäge reňklerde geçirildi, altyn öwüşginli sapaklar bolsa nagşyň gözelligine görk goşdy.
Türkmen gözelleriniň keşbini tamamlan milli gülýaka şaý-sepi, owadan tumar we saç örümlerine goşulan alajalar uly täsir galdyrdy.Görkezmede ýaş aýdymçy Döwran Şammyýewiň çykyş etmegi bu dabaraly waka öz goşandyny goşdy.
Sazly arakesmeler myhmanlara ýaran keşpleri barada gürrüňdeşlik geçirmäge we indiki daşary ýurtly gatnaşyjylaryň gözellik çykyşlaryna taýynlyk görmäge mümkinçilik berdi. Çykyşyň soňunda Karlo D'amario döwrebap moda barada öz pikirlerini paýlaşdy.
Vivienne Westwood modalar öýüniň dolandyryjysy häzirki wagtda görnükli durmuş ýörelgesinden hemme zady öz içine alýan ýagdaýa geçýän senagatyň düýpli özgerişi barada aýdyp berdi.D'amarionyň pikiriçe haryt nyşanlarynyň döwrebap üstünligi ýaş nesliň islegine we ýokary hiliň elýeterli bahadan bolmagyna, onuň ýeriniň gymmat köne modeller bilen çalşylmagyna baglydyr.
Karlo D'amarionyň pikirleri az salym öň Miras modalar öýüniň eden çykyşlarynda ýaňlanýar.Daşary ýurtly bilermen üstünlikli ösüşiň merkezinde zamanlaryň baglanyşygynyň bardygyny, hut şol ýerde baý taryhy mirasyň innowasiýalara esas bolýandygyny belledi.
Zatlaryň hakyky gymmaty häzirki wagtda bahasy bilen däl-de, olary döretmek üçin sarp edilen wagt we ruhy gymmatlyk bilen ölçelýär.