Parižde geçirilen iki günlük sammitde Halkara sergi guramasyna agza 179 ýurduň wekilleri EXPO-2030 sergisini guramak maksady bilen üç ýurda Saud Arabystanyna, Koreýa Respublikasyna we Italiýa ses berdiler. Üç ýurt geljekki Bütindünýä sergisiniň özlerinde guralmagyny maksat edinýärler.
Ses berişlikden soň Saud Arabystanynyň daşary işler ministri şazada Feýsal ibn Farhan Al-Saud sergini paýtagt Er-Riýadda guramagyň taslamasyny hödürledi.
Koreýa Respublikasynyň Prezidenti Ýun Sok Ýol bu giň gerimli çäräni öz ýurdunyň ikinji uly şäheri Pusanda geçirmegi teklip etdi.
Italiýanyň Premýer-ministri Jorja Meloni bolsa, sergini öz ýurdunyň paýtagty Rimde guramagyň maksadalaýyk boljakdygyny aýtdy.
Halkara sergi býurosyna agza ýurtlar noýabr aýynda geçiriljek indiki maslahatda EXPO-2030 sergisiniň nirede geçiriljekdigini kesgitlärler.