Ukrainanyň Ýaragly güýçleriniň Gündogar harby birikmeler toparynyň metbugat gullugynyň başlygy Ilýa Ýewlaş, Ukrainanyň Milli habarlar agentligine beren beýanatynda, Donetsk sebitindäki Kramatorsk şäherinde Ukraina degişli 2 dikuçaryň kakyşmaklary netijesinde heläkçiligiň bolandygyny habar berdi.
Dikuçarlaryň berilen wezipeleri ýerine ýetirýän mahallary heläkçilige uçurandyklaryny aýdan Ýewlaş: "Olar Kramatorsk sebitinde berilen wezipäni ýerine ýetirýän mahaly, duşmanyň Su-35 uçary asmana galdy we duşman uçary tarapyndan nyşana alynmazlyk üçin şol wagt ýere gonmalydylar. Şol mahal näme bolandygy ýörite derňew tarapyndan derňelýär. Raketa degdimi ýa-da başga bir ýalňyşlyk bardymy, näme bolandygy we sebäpleri derňelýär" diýip mälim etdi.
Ilýa Ýewlaş wakada 6 uçarmanyň ýogalandygyny habar berdi.
Ýerli metbugatda berilen habara görä dikuçar heläkçiligi 29-njy awgustda başdan geçirildi.