Ukrainanyň Daşary işler ministri Andrii Sybiha, NATO-dan ýurdunyň energetika desgalaryny we infstrukturasyny goramak üçin gyssagly 19 sany howa goranyş ulgamyny isledi.
NATO-nyň Baş sekretary Mark Rutte bilen Ukrainanyň Daşary işler ministri Andrii Sybiha, Belgiýanyň paýtagty Brýuselde geçirilýän NATO agza ýurtlaryň Daşary işler ministrleriniň maslahatynyň öňüsyrasynda metbugata beýannama berdi.
NATO-nyň Ukraina goldaw berýändigini aýdan Rutte, “Hyzmatdaşlarymyzyň size goldaw berýändigini ýene-de bir gezek nygtamak isleýärin” diýdi.
Rutte, Ukraina howa goranyş ulgamlarynyň başda durmagynda has köp harby kömegiň berilmelidigini belledi.
Ukrainanyň Daşary işler ministri Andrii Sybiha bolsa “Ýurdunyň gelejegi üçin bizi güýçlendirjek, mümkinçiliklerimizi artdyrjak kararlar kabul edilmeli” diýdi.
Russiýanyň ýurtdaky energetika çeşmelerini “ýaraga öwürendigini” aýdan Sybiha, ýurdunyň strategiýa taýdan esasy orun eýeleýän desgalaryny we infstrukturasyny goramak üçin gyssagly 19 sany howa goranyş ulgamynyň berilmegini isledi.