2014-nji ýylda lotereýa oýnunda uly möçberde pul utan britaniýaly Nil Trotter şondan bäri durmuşynyň diýseň içgysgynç bolandygyny gürrüň berdi diýip, 360 neşirine salgylanýan Mir24.tv ýazýar.
Mehanik bolup işleýän Trotter lotereýa oýnunyň bütin taryhynda iň uly möçberde pul, ýagny 108 million funt sterling utan dördünji adam boldy. Ol utuşy öňünden syzandygyny, hatda ol barada işdäki kärdeşine-de gürrüň berendigini ýatlady.
Pul baýragyny alandan soňra erkek kişi özbaşdak kölli, birnäçe gymmatbaha ulaglary bolan kaşaň mülk satyn aldy. Ol şeýle-de garaşylmadyk baýlygyň hözirini gördi, göwnüniň isleýşiçe ýaşady.
Emma birneme wagtdan soňra Nil işsiz ýatmagyň özüne agyr düşüp başlandygyna düşündi diýip, Daily Star ýazýar.
Bikär ýatmak öwrenişmesi kyn endik ekeni. Men uzakly gün öýde telewizora seredip oturmagyň gaty tukatdygyna düşündim diýip, Nil Trotter gürrüň berýär.