Ýewropa, eger golaýlap gelýän gyş pasly bilen baglylykda ýagdaý ýitileşse, rus tebigy gazy üçin Aziýa bilen bäsleşmeli bolar. Bu barada RIA Nowosti habarlar gullugy Wall Street Journal gazetine esaslanyp habar berdi.
Hatda rus suwuklandyrylan gazynyň daşalmagy babatda-da bökdençlikler bolup biler. Hytaýda koronawirus çäklendirmelerinden soň emele gelen ykdysady galkynyş ýa-da Aziýadaky bolup biläýjek sowuk gyş Ýewropa üçin suwuklandyrylan gazyň eksporty babatda göreşe sebäp bolar, bu bolsa öz nobatynda nyrhlaryň mundan buýanky gymmatlamagyna getirer diýip, gazetde çap edilen makalada aýdylýar.