Ýewropa Geňeşiniň başlygy “ÝB Siriýa goldaw berýär. Siriýalylaryň hukuklarynyň goralmagyna, adalatyň we ylalaşygyň ýola goýulmagyna goldaw berýär” diýdi.
Ýewropa Geňeşiniň başlygy Antoniu Kosta duşenbe güni beren beýannamasynda, Siriýada Başar Asadyň wezipesinden çetleşdirilmeginiň birinji ýylynda guramanyň Siriýa goldaw berýändigine ýene-de bir gezek ünsi çekdi.
Kosta X sosial media platformasy arkaly beren habarnamasynda “Asadyň wezipesinden çetleşdirilmeginden bir ýyl soň Siriýalylar durnukly we howpsuz ýagdaýda ýaşamak üçin ýagty geljege tarap aýgytly ädim edýär. ÝB ähli siriýalylaryň hukuklarynyň goralmagyna, adalatyň we ylalaşygyň ýola goýulmagyna goldaw berýär” diýdi.
Ýewropa Geňeşiniň başlygy Antoniu Kosta, guramanyň Siriýanyň gaýtadan dikeldilmegine we siriýanyň halkyna gyssagly ynsanperwer kömeginiň berilmegine goldaw bermäge dowam etjekdigini belledi.
25 ýylyň dowamynda Siriýany dolandyran Asad geçen ýylyň dekabr aýynda Russiýa gaçyp gitdi we 1963-nji ýyldan bäri häkimiýetiň başynda bolan Baas partiýasynyň döwrü ýapylýar.
Siriýanyň Prezidenti Ahmad aş Şara ýanwar aýynda täze wagtlaýyn hökümeti gurýar.