Senagat we tehnologiýa ministri Mustafa Warank, TÜBITAK Kowid-19 Türkiýe Platformasynyň çäginde işi dowam edýän we iň döwrebap sanjym usullarynyň biri kabul edilýän VLP usully sanjym taýarlyklarynyň, adamlaryň üstünde synaglardan geçirilýän dünýädäki 4-nji sanjym dalaşgäriniň biridigini we Bütindünýä Saglygy goraýyş guramasynyň sanawyna girmegi başarandygyny mälim etdi.
Senagat we tehnologiýa ministri Mustafa Warank, sosial media hasabyndan Ankara Onkologiýa hassahanasynda Faz-1 synaglaryndan ozal alynan aralarynda TÜBITAK guramasynyň başlygy Prof.Dr. Hasan Mandal hem bolan ylmy işgärleriň suratlaryny paýlaşdy.
Ministr Mustafa Warank mundan başgada beren ýezmaça beýanatynda, VLP esasly sanjymlaryň örän döwrebap bir usul hasaplanýandygyny, biri-birinden tapawutly ýerlerde ulanylýan bu sanjymlaryň belok esasly bolandyklary sebäpli potensiallarynyň ýokarydygyny habar berdi.
VLP görnüşli sanjymlarda, özgerdilen wirusa meňzeş bölejikler, wirus infeksiýasyny emele getirmejek ýagdaýda olary gaýtalaýarlar. Bu bölejikler immunitet reaksiýasyny döredip, adamlaryň kesellemeginede böwet bolýar.