Geçen hepde Ýewraziýa ýurtlaryndan möhüm daşary ýurt saparlary amala aşyryldy.Gyrgyzstanyň Prezidenti Sadyr Japarow üstümizdäki aýyň 12-14-i aralygynda Wengriýa resmi sapar etdi.Paýtagt Budapeştde Prezident Japarowy Wengriýanyň Prezidenti Katalin Nowak resmi dabara bilen garşylandy.
Sadyr Japarow Budapeştde Wengriýanyň Prezidenti Nowak, Mejlisiň Başlygy Waslo Kýower, Premýer-ministr Wiktor Orban bilen özara duşuşyklar geçirdi.Prezidentler strategik hyzmatdaşlygy ösdürmek hakynda jarnama kabul etdiler.Wengriýa bilen Gyrgyzstanyň arasynda 6 ylalaşyga gol çekişildi.
Prezident Japarow saparynyň çäginde Wengriýa-Gyrgyzstan İşewürler maslahatynyň açylyşyna gatnaşdy.Saparyň çäginde Wenger-Gyrgyz Rektorlaryň 1-nji maslahaty geçirildi.
Türkmenistanyň Halk Maslahatynyň Başlygy Gurbanguly Berdimuhamedow 11-12-nji fewralynda Birleşen Arap Emirliklerine sapar gurady.Gurbanguly Berdimuhamedow saparyň çäginde BAE-niň Prezidenti Muhammed bin Zaýed al-Nahýan we Wise-premýer Mansur bin Zaýed al-Naýhan bilen duşuşdy.
Berdimuhamedow Abu Dabi Galkynyş Gaznasynyň, Masdar, ADNOK we Abu Dai Port ýaly kärhanalaryň ýolbaşçylary bilen hem duşuşdy.Duşuşyklarda Türkmenistana goýuljak maýa goýumlar, özara gatnaşyklar boýunça mümkinçilikler seljerildi.Sapar boýunça jarnama çap edildi we hyzmatdaşlyk etmek hakyndaky ähtnama gol çekişildi.
Azerbaýjanyň Milli Mejlisiniň Başlygy Sahiba Gafarowa 12-nji fewralda Russiýa üç günlük resmi sapar gurady. 13-nji fewralda Gafarowa Döwlet Dumasynyň Başlygy Wýaçeslaw Wolodin bilen duşuşdy. Duşuşykdan soň iki ýurduň mejlisleriniň arasynda hyzmatdaşlyk etmek boýunça ähtnama gol çekişildi. 14-nji fewralda Azerbaýjanyň Milli Mejlisiniň Başlygy Gafarowa Russiýa Federasiýasynyň Mejlisiniň Başlygy Walentina Matwiýenko bilen duşuşdy.
Azerbaýjanyň Prezidenti Ilham Aliýew üstümizdäki aýyn 17-de Mýunhen Howpsuzlyk Maslahatyna gatnaşmak üçin Germaniýa gitdi. Saparyň çäginde Aliýew ÝB Geňeşiniň Başlygy Şarl Mişel we beýleki resmiler bilen duşuşdy. Duşuşykda Günorta Kawkazyň meseleleri, energetika üpjünçiligi meseleleri ara alynyp maslahatlaşyldy.
Geçen hepde Ýewraziýa ýurtlarynyň gün tertibinde 2023-nji ýylyň 6-njy fewralynda Türkiýede bolan ýer titremeler bardy. Ýer titremelerinde 40 müňden gowrak adam pida boldy, 100 müňden gowrak adam ýaralandy.
Ýewraziýa ýurtlary ähli mümkinçiliklerinden peýdalanyp Türkiýe üçin mobilizlendiler. Ýewraziýa ýurtlarynyň ählisi Türkiýedäki ýer titremä ünssiz galman, gözleg-halas ediş toparlaryny ugratdylar. Şol ýurtlarda toplanan kömekler uçarlar, konteýnerler bilen Türkiýä gelmäge dowam edýär.
Azerbaýjan, Gruziýa, Gazagystan, Gyrgyzstan, Özbegistan we Gagauziýa ýaly ýurtlaryň prezidentleri, Gruziýanyň Premýer-ministri, Dumanyň Başlygynyň wekili, ministrler Türkiýäniň ilçihanalaryna baryp duýgudaşlyk bildirler.Azerbaýjanyň, Ermensitanyň we Özbegistanyň Daşary işler ministrleri, Gyrgyzstanyň Adatdan daşary ýagdaýlardan jogap ministri ýer titreme sebäpli Türkiýä sapar etdiler. Ýewraziýa ýurtlarynyň mejlisleri öz işlerine Türkiýede pida bolanlary hatyralamak bilen başladylar.