“European Car of the Year” bäsleşiginiň eminleri Ýewropanyň esasy awtomobil baýragyna dalaşgärleriň uzyn sanawyny neşir etdiler. Häzir sanawda 29 model bar, ýöne 2021-nji ýylyň 8-nji ýanwarynda olaryň sany ýedi awtomobile çenli azalar. Ýeňiji 1-nji martda yglan ediler. Bu barada motor.ru habar berýär.
Sanawa girmek üçin awtomobil täze ýa-da eýýäm satylyp başlanan bolmaly, ýa-da ýylyň ahyryna çenli Ýewropanyň azyndan bäş ýurdunda satuwa çykarylmaly.Uzyn sanawa Hyundai-Kia bileleşiginiň birbada dört modeli girdi: Hyundai i10, i20 we Tucson, Kia Sorento.
Mercedes-Benz hem dört awtomobil bilen hödürlenilýär GLA, GLB, GLS we S-Class.Sanawa iki modelden BMW (4-Series we 2-Series Gran Coupe), Ford (Kuga we Explorer), Toyota (Yaris we Mirai), Seat (Cupra Formentor we Leon) we PSA bileleşigi (Peugeot 2008 we Citroen C4) girdi.
Bulardan başga-da, dalaşgärleriň hatarynda Dacia Sandero, Audi A3, Fiat 500, Honda Jazz, Skoda Octavia, Land Rover Defender we VW Golf bar.Sanawda elektrokarlar hem bar Volkswagen ID.3, Polestar 2, Mazda MX-30 we Honda e. Şu ýylyň mart aýynda Ýewropanyň iň gowy awtomobili Peugeot 208 boldy, ondan öňki ýyl Jaguar I-Pace.