Trampyň meýilnamasyndan nädogry peýdalanýan Ysraýyl çarşenbe güni Hamas bilen oktýabr aýynda baglaşylan ok atyşlygy bes etmek baradaky ylalaşyga laýyklykda, Rafah geçelgesini ýakyn günlerde açjakdygyny, ýöne palestinalylaryň çykmagy we Gaza gaýdyp gelmezden gitmegi üçin diňe birtaraplaýyn tertipde açjakdygyny yglan etdi! Şol bir wagtyň özünde, Müsür hökümeti açylyş barada Ysraýyl bilen utgaşdyrma geçirýändigini ret etdi.
Sekiz yslam ýurdunyň daşary işler ministrleri Ysraýyl häkimiýetleriniň Rafah geçelgesiniň birtaraplaýyn açylmagy we Gaza ýaşaýjylarynyň Müsüre geçirilmegi baradaky soňky beýanatlary barada çuňňur alada bildirdiler we palestina halkyny öz ýerlerinden zor bilen göçürmek synanyşygyny berk ret etdiler.
Müsüriň, Iordaniýanyň, BAE-niň, Indoneziýanyň, Pakistanyň, Türkiýäniň, Saud Arabystanynyň we Kataryň daşary işler ministrleri bilelikdäki beýanatda Ysraýyl režiminiň Gaza ýaşaýjylaryny Müsüre göçürmek maksady bilen Rafah geçelgesini birtaraplaýyn açmak meýilnamasynyň alada döredýän we kabul ederliksiz hereketdigini yglan etdiler.
Bu ministrler palestina halkyny öz ýerlerinden zor bilen göçürmek synanyşygynyň kabul ederliksizdigini we olaryň öz watanynda galmagy we öz ýurtlarynyň täzeden gurulmagyna we ösüşine gatnaşmagy üçin şertleriň döredilmelidigini nygtadylar.
Şeýle hem, olar ABŞ-nyň prezidenti Donald Trampyň Rafah geçelgesiniň iki taraplaýyn açylmagyna, adamlaryň erkin hereket etmegine we olary öýlerinden çykmaga mejbur etmezliklerine ünsi çekýän parahatçylyk meýilnamasynyň doly durmuşa geçirilmegine çagyrdylar.
Şeýle hem, olar ok atyşlygy bes etmekligi doly berkitmegi, raýatlaryň ejir çekmegine soň goýmagy, Gaza ynsanperwer kömeginiň girmegine ýardam bermegi, täzeden gurmagyň başlanmagyny we jogapkärçilikleriň Palestina awtonomiýasyna geçirilmegi üçin şertleri döretmegi talap etdiler.