Merkezi Fransiýada ýerleşýän EuroPalestine jemgyýeti, basyp alyşlyk astyndaky Günbatar Şeriada Ysraýyl tarapyndan bikanun ýagdaýda gurlan ilatly ýerlerde ösdürlip ýetişdirlen we Fransiýada satylýan hurmalaryň boýkot edilmegi üçin çagyryş etdi.
Palestiniň hukuklaryny goraýan jemgyýet, remezan aýynda musulmanlar tarapyndan hurmanyň sarp edilşiniň artýandygy sebäpli bir aýyň dowamynda Ysraýylda ösdürlip ýetişdirlen önümleriň boýkot edilmegi üçin çagyryş etdi.
Jemgyýetiň başlygy Oliwia Zemor, çarşenbe güni beren beýannamasynda, Fransiýada satylýan Medžor markaly hurmalaryň esasy böleginiň Ysraýyl tarapyndan bikanun ýagdaýda gurlan ilatly ýerlerden we basyp alyşlyga goldaw berýän firmalardan gelýändigini aýtdy.
Zemor käbir gutularda hurmalaryň Iordaniýada ýada Marokkoda ösdürlip ýetişdirlendiginiň ýazylandygyny emma hurmalaryň Ysraýyldan gelýändigini belledi.
Zemor kampaniýanyň çäginde käbir meýletinleriň dükanlaryň öňünde sarp edijilere maglumat berýändigini we alternatiw önümleri ulanmagy maslahat berýändigini nygtady.
Ysraýylyň Gaza garşy alyp barýan genosid söweşi sebäpli 2023-nji ýylyň oktýabr aýyndan bäri zenanlardan we çagalardan ybarat 72 müňden gowrak palestinli ýogaldy we 171 müňden gowrak adam ýaralandy.
Gazadaky Palestiniň Saglygy goraýyş ministrligi, oktýabr aýyndaky ylalaşyga garamazdan Ysraýylyň howpsuzlyk güýçleri tarapyndan guralýan hüjümler sebäpli 603 palestinli ýogaldy, 1618 adam ýaralandy.