Palestinanyň döwlet telewideniýesiniň habaryna görä, şäherde soňky 2 günde 2-nji gezek reýd geçirýän ysraýylly esgerler öýleriň birini gabaw astyna aldylar.
Habarda gabaw astyna alynan öýüň töwereginde çaknyşyklaryň başdan geçirilendigine ünsleri çekip, Ysraýylyň goşunynyň öýe kamikaze dron bilen hüjüm gurandygy mälim edildi.
Sosial media ulgamynda görkezilen materialda, şäherde reýdler geçirýän ysraýylly esgerler tarapyndan göz tussaglygyna alynan palestinaly ýetginjekleriň biriniň harby ulaga daňylyp janly galkan hökmünde ulanylandygyny görüp bolýar.
Ysraýylly esgerler 22-nji iýunda hem Günbatar Şerianyň demirgazygyndaky Jebin şäherinde geçiren reýdinde ýaralanan palestinaly ýetginjekleriň birini harby ulaga daňyp, "janly galkan" hökmünde ulanypdy.
Ysraýylyň harby güýçleriniň Tulkerim bilen birlikde Al Halil şäherini hem öz içine alýan hüjümlerinde düýn 7 palestinaly ýogalypdy.
Basyp alyşlyk astyndaky Günbatar Şeriada we Gündogar Iýerusalimde 2023-nji ýylyň 7-nji oktýabryndan bäri ysraýylly esgerler bilen palestinalylaryň ýerlerini ellerinden alan ysraýyllylaryň guran hüjümlerinde ýogalan palestinalylaryň sany 585-e ýetdi.