Fransiýanyň Pariž şäherinde geçirilen ÝUNESKO-nyň Baş Assambleýasynyň 42-nji mejlisinde 2025-nji ýylda Baş Assambleýanyň 43-nji mejlisiniň geçiriljek ýeri kesgitlendi. Bu gezek ýokary derejeli maslahat Özbegistanyň Samarkant şäherinde geçiriler.
Şeýlelikde, 40 ýyldan gowrak wagtdan soňra ÝUNESKO-nyň Baş Assambleýasynyň mejlisi Pariž şäherinden başga bir şäherde guralar.
ÝUNESKO-nyň 42-nji mejlisiniň başlygy Simona-Mirela Mikelesku kabul edilen çözgüdiň uly diplomatik ýeňiş bolup durýandygyny belledi.
Soňky gezek ÝUNESKO-nyň Baş Assambleýasynyň mejlisi 1985-nji ýylda Bolgariýanyň paýtagty Sofiýa şäherinde geçirilipdi.