Ukrainanyň Döwlet baştutany Wladimir Zelenskiý, Russiýanyň guran hüjümlerinde Kramatorsk şäheriniň merkezine raketa gaçandygyny, hüjümde asuda ilatdan 1 adamyň ýogalandygyny habar berdi.
Ukrainanyň Döwlet baştutany Wladimir Zelenskiý, sosial media hasabyndan beren beýanatynda, Russiýanyň goşunynyň Kramatorsk şäherine raketalar bilen hüjüm gurandygyny mälim etdi.
Hüjümde şäheriň merkezine raketanyň gaçandygyny aýdan Zelenskiý: "6 ýaşaýyş jaýyna zyýan ýetdi. 1 adam ýogaldy, azyndan 3 adam ýaralandy" diýip aýan etdi.
Zelenskiý: "Hüjüm ediji döwlet asuda ilata garşy söweşmäge dowam edýär. Ähli zady ýok edýär we öňünde hiç zat goýmaýar. Bigünä adamyň janyny alýan her bir zarba kanuny we adalatly bir jenaýat jezasy bilen netijelenmeli we şol çürt-kesik bolar" diýip belledi.
2022-nji ýylyň 24-nji fewralynda Russiýanyň Döwlet baştutany Wladimir Putin, Ukrainanyň basylyp alynmagy barada görkezme beripdi, şeýlelik bilen Russiýa-Ukraina söweşi başlapdy.