Zelenskiý Amerikanyň “Assoşeýted Press” habarlar gullugyna beýannama berdi.
Hytaýyň döwlet Başlygy Si Szinpini Ukraina sapara çağyran Zelenskiý, 2022-nji ýylyň 24-nji fewralynda Russiýa-Ukraina söweşi başlamazdan ozal Szinpin bilen duşuşyklar geçirendiklerini aýtdy.
Ukrainadaky söweşiň syýasy çözgüdi hakynda Hytaýyň Daşary işler ministrliginiň çap eden 12 maddalyk resminamasy hakynda durup geçen Zelenskiý; “Biz Szipini bärde görmek isleýäris. Onuň bilen pikir alyşmak isleýärin. Söweşden öň duşuşypdyk. Emma söweşden soň 1 ýyldan gowrak wagt bäri aragatnaşyk saklamadyk” diýdi.
Ukrainanyň Prezidentiniň Diwanynyň geňeşçisi Mihail Podolýak Ukrainanyň we Hytaýyň liderleriniň arasynda duşuşyk geçirilmegi boýunça işleýändiklerini beýan edipdi, emma heniz hiç hili netijä barylmandygyny aýdypdy.
Szinpin Russiýanyň Prezidenti Wladimir Putiniň çakylygyna laýyklykda 20-22-nji mart aralygynda Russiýa sapar edipdi, Putini Hytaýa çagyrypdy.