Basketbol boýunça 18-nji Dünýä Kubogyna şu gün badalga berler.Hytaýda geçiriljek çempionata ilkinji sapar 32 ýygyndy gatnaşýar. 8 toparça paýlanylan toparlaryň duşuşyklary Pekin (“A” toparça), Uhan (“B”), Guançžou (“C”), Foşan (“D”), Şanhaý (“E”), Nankin (“F”), Şençžen (“G”) hem-de Dunguan (“H”) şäherlerinde geçiriler. “A” toparçada Hytaýyň, Kot-d’Iuwaryň, Polşanyň, Wenesuelanyň, “B” toparçada Russiýanyň, Argentinanyň, Koreýa Respublikasynyň, Nigeriýanyň, “C” toparçada Ispaniýanyň, Puerto-Rikonyň, Eýranyň, Tunisiň, “D” toparçada Angolanyň, Italiýanyň, Filippinleriň, Serbiýanyň, “E” toparçada Türkiýäniň, Çehiýanyň, ABŞ-nyň, Ýaponiýanyň, “F” toparçada Gresiýanyň, Braziliýanyň, Täze Zelandiýanyň, Garadagyň, “G” toparçada Fransiýanyň, Dominikan Respublikasynyň, Germaniýanyň, Iordaniýanyň hem-de “H” toparçada Kanadanyň, Senegalyň, Litwanyň, Awstraliýanyň ýygyndylary duşuşarlar.
Her toparçada 1-2-nji ýeri eýelänler 2-nji tapgyra çykar.Olar bu ýerde-de 4 toparça bölüner.Bu toparçalarda-da öňdäki 2 orny alanlar çärýek finala çykar.