Palestinanyň “WAFA” habarlar gullugynyň mälim etmegine görä Mahmud Abbas Gollandiýanyň Premýer-ministri Mark Rutte we Awstraliýanyň Premýer-ministri Antony Alban bilen telefon arkaly söhbetdeşlikler geçirdi.
Gollandiýanyň Premýer-ministri Rutte bilen geçiren duşuşygynda “Basyp alyjy güýçleriň Gazany bölmek hakyndaky meýilnamalary kabul edilmesiz” diýen Abbas, Gaza üçin syýasy ýa-da howpsuzlyk çözgüdiniň ýokdugyny, onuň Palestina döwletiniň aýrylmasyz bölegi bolup durýandygyny beýan etdi.
Abbas, palestin halkynyň azatlygy, garaşsyzlygy we özygtyýarly bolmagy üçin halkara kanunçylyga esaslanýan syýasy çözgüdiň iş ýüzüne geçirilmeginiň hökmanydygyny nygtady.
Awstraliýanyň Premýer-ministri Antony Alban bilen hem telefon arkaly söhbetdeşlik geçiren Abbas, palestin halkyna edilýän gyrgynçylygyň dessine bes edilmelidigini aýtdy.
Mahmud Abbas, palestin halkynyň kanuny wekilidigini, milli kararlary kabul etme hukugynyň hem Palestinany azat ediş guramasyna degişlidigini nygtady.