Eýranyň Daşary işler ministri Huseýin Emir Abdullahiýan Katardaky ýadro ylalaşygynyň iş ýüzüne geçirmek boýunça geçirilýän gepleşikler boýunça ABŞ-ny “ozalky pozisiýasyny gaýtalamakda we täzeçe çemeleşmezlikde” günäkärledi.
“Fars” habarlar gullugynyň mälim etmegine görä Eýranyň Daşary işler ministri Huseýin Emir Abdullahiýan fransuz kärdeşi Ketrin Kolonna bilen telefon arkaly söhbetdeşlik geçirdi.
Abdullahiýan ABŞ bilen geçirilýän gepleşikler hakynda; “Amerikan tarapy Doha haýsydyr bir täzeçe çemeleşmesiz gatnaşdy. Ozalky syýasy pozisiýasyny gaýtalamagyny ýerlikli hasaplamaýarys, täzeçe çemeleşmäniň gerekdigine ynanýarys” diýdi.
Resmi Tähranyň Dohadaky gepleşiklere umuman oňyn garaýandygyny nygtan Abdullahiýan; “Amerikan tarapynyň diplomatik pursatdan peýdalanjakdygyny görmek gerek. Heniz diplomatiýanyň ýoly açyk. Ýerlikli we durnukly ylalaşyk gazanmak üçin biz çynlakaýan çemeleşýäris. Elmydama gepleşiklerde oňyn tekliplerimizi we pikirlerimizi hödürledik” diýdi.
Abdullahiýan ýurdunyň beren sözlerinden durandygyny, ABŞ-nyň hemwadasynda durmagyna garaşýandyklaryny aýtdy.