ABŞ-nyň hökümeti uýgurlar bilen bilelikde etniki azlyklary zor bilen işledýändigi sebäpli Hytaýdaky ýene-de 26 firmanyň öndürýän harytlarynyň ýurda getirilmegini gadagan etdi.
ABŞ-nyň Içerki howpsuzlyk ministrliginden berilen beýannamada “Uýgurlary zor bilen işetmegiň öňüni alyş kanunynyň” çäginde ýene-de 26 tekstil firmasynyň gadagan edilenleriň sanawyna goşulandygy mälim edildi.
Beýannamada 17-nji maýdan başlap adybir firmalaryň öndürýän harytlarynyň ABŞ-na getirilmeginiň çäklendiriljekdigi nygtalyp; “Bu başlangyçlar ABŞ-nyň ýurduň üpjünçilik ulgamynda zor bilen işletmegi ortadan aýyrmak we Uýgur Awtanomiýasynda uýgurlar bilen beýleki dini hem-de etniki azlyklara garşy dowam edýän genosid hem-de adamzat jenaýatlary boýunça hasabat bermekligi goldamak boýunça kepilligiň çäginde edilýar” diýilýär.
“Uýgurlary zor bilen işetmegiň öňüni alyş kanunynyň” 2021-nji ýylda kabul edilmeginden bäri gadagan edilen firmalaryň sanawyna 65 kärhananyň goşulandygy, şol firmalaryň egin-eşik, plastik, himikatlar, batareýa, öý goşlary, elektronika we azyk maddalary ýaly pudaklarda iş alyp barýandygy mälim edildi.