1967-nji ýylyň 25-nji iýunynda hemra arkaly ilkinji gezek 25 ýurtda görkezilen Beatles-iň çykyşynda arka sahnada goýlan gözelligiň we söýginiň hudaýy Afroditanyň heýkeli Liwerpuldaky auksiona çykaryldy.
Beýikligi bir metre deň bolan bu heýkel aýna süýüminden ýasalyp, onuň daşy ýörite birleşme bilen örtülendir. Heýkel Jon Lennonyň arkasyndaky sahnada, Liwerpul dörtlüginiň Biziň dünýämiz atly konsertinde eden çykyşynda goýuldy. Bu konserte 19 ýurtdan gelen aýdymçylar we sazandalar gatnaşypdy. Heýkeliň deslapky bahasynyň 15-20 müň funt sterling (20,7-27,7 müň dollar) boljakdygy habar berilýär.
Maglumatlara görä, heýkel Londonyň dükanlarynyň birinden satyn alnyp, Jon Lennon, Pol Makkartni, Jorj Harrison we Ringo Starryň oturgyçlarda oturan studiýasyndaky toplumy bezän diňe bir elementdir.Bu heýkel Grammy baýragynyň iki gezek eýesi, ses režissýory Jeff Emerigiň Londondaky bagynda 45 ýyllap saklandy.
Rolling Stone žurnalynyň habaryna görä, The Beatles toparynyň agzalary ähli döwürleriň iň beýik sungat işgärleridir.Toparyň ses ýazgylarynyň satylan nusgalarynyň sany 600 milliondan geçdi.