Ak Tamyň metbugat geňeşçisi Jennifer Psaki, Owganystandan göçürilen takmynan 120 müň adamyň 77 göteriminiň Ýörite immigrant wizasyna ýüz tutmaga hak gazanan owganlardan ybaratdygyny beýan etdi.
Ak Tamyň metbugat geňeşçisi Jennifer Psaki, Ak Tamda geçiren gündelik metbugat ýygnagynda Owganystanda başdan geçirilen soňky hadysalaryň üstünde durup geçdi.
Owganystanda entek göçürilmedik adamlar bilen bagly tagallalaryň dowam edilýändigini aýdan Psaki: "Göçürilenleriň 77 göterimi, Ýörite immigrant wizasyna ýüz tutmaga hak gazanan owganlardan ybarat" diýip habar berdi.
Psaki, üstünde köp durulmasada Owganystandaky göçüriliş işlerinde uçarlardan başga ýollara hem ýüz tutandyklaryny belläp, käbir ýagdaýlarda dikuçarlar bilen hem adamlary daşandyklaryny, emma howpsuzlyk sebäpli olary aýan etmändiklerini mälim etdi.
Hamid Karzaý halkara howa menziliniň göçüriliş işleri üçin ýaňadandan açylmagy ugrunda tagallalar edýändiklerini aýdan Psaki: "Howa menziliniň ýaňadandan açylmagy üçin iş alyp barýarys, howa menziliň raýat böleginiň açylmagy üçin türk we katarly hyzmatdaşlarymyz bilen iş salyşýarys" diýip aýan etdi.