Amazonka tokaýlarynda gurbaganyň täze görnüşi tapyldy. “Hyalinobatrachium yaku” ylmy ady dakylan bu jandara daşyndan seredeniňde ýüregi görünýär.Bilermenler bu jandary 2013-2016-njy ýyllar aralygynda sebitde geçirilen barlaglaryň netijesinde tapdylar. “Aýna gurbaga” diýip atlandyrylýan maşgala degişli bolan bu jandar kellesindäki goýy ýaşyl menekler arkaly maşgalanyň beýleki wekillerinden tapawutlanýar.
Onuň ululygy bary-ýogy 2 santimetre barabar. “Aýna gurbaga” maşgalasynyň beýleki wekilleriniň derisi ýarymdury bolmagy bilen tapawutlanýar. Ýagny olaryň iç goşlary çalarak görünýär.Emma täzelikde üsti açylan jandaryň garyn we döşündäki deri edil aýna ýaly bolup, içini arkaýyn görüp bolýar.Nesli azalyp barýarEkwadordaky San-Fransisko de Kwito uniwersitetiniň ylmy işgäri, professor Huan Guaýasamin häzire çenli diňe gurbagalary öwrenmek bilen meşgullanandygyny, emma şeýle owadan gurbagany ilkinji gezek görendigini belleýär.
Ol bu jandaryň sanynyň azalyp barýandygyna ünsi çekdi.