Düýn (sişenbe, 14-nji Bahmen) onlaýn duşuşykda Eýran Yslam Respublikasynyň daşary işler ministri Seýid Abbas Aragçi we Eýran Yslam Respublikasynyň Amerika yklymynyň ýurtlaryndaky ilçileri we missiýalarynyň ýolbaşçylary ýurduň daşary syýasatyndaky soňky wakalary, şeýle hem Amerika yklymynyň ýurtlary bilen gatnaşyklara degişli meseleleri gözden geçirdiler we pikir alyşdylar.
IRNA-nyň habaryna görä, bu duşuşykda Eýran Yslam Respublikasynyň daşary syýasatynyň çemeleşmelerini, maksatnamalaryny we ileri tutulýan ugurlaryny gözden geçirip, Daşary işler ministri Eýran Yslam Respublikasynyň missiýalarynyň milli bähbitleri netijeli goramakda we amala aşyrmakda möhüm ornuny, şeýle hem ikitaraplaýyn we köptaraplaýyn syýasy we ykdysady gatnaşyklary, esasanam BRICS ýaly halkara guramalarynyň çäklerinde pugtalandyrmagyň we giňeltmegiň zerurdygyny nygtady.
Bu duşuşykdan soň, Eýran Yslam Respublikasynyň ilçileri we missiýalarynyň ýolbaşçylary özleriniň ýerleşýän ýurtlary bilen ikitaraplaýyn gatnaşyklaryň ýagdaýy barada hasabatlar bilen çykyş edip, syýasy, ykdysady we medeni hyzmatdaşlygy ösdürmek üçin bar bolan mümkinçilikler we ukyplar barada öz pikirlerini, tekliplerini we bahalaryny hödürlediler.