Türkmenistan awiakompaniýasy açyk görnüşli paýdarlar jemgyýeti 2023-nji ýylyň 8-nji awgustyndan 28-nji oktýabry aralygynda Aşgabat Moskwa Aşgabat ugurlaryndaky gatnawlary togtadýar. Russiýa döwletine uçuşlar Aşgabat Kazan Aşgabat ugurlarynda amala aşyrylar. Bu barada Türkmenistan awiakompaniýasynyň resmi saýtynda bellenilip geçilýär.
Moskwa Aşgabat ugry boýunça awiabiletleri bolan ýolagçylar awiabiletde görkezilen senä we wagta görä ugramazdan 3 sagat öň Kazana özi gelmeli.
Ýolagçylaryň isleglerine görä şu aşakdaky görkezilenler hödürlenýär:
1.Awiabiledi täzeden resmileşdirmek:
Aşgabat-Moskwa-Aşgabat ugry boýunça resmileşdirilen awiabiletler, ýolagçynyň razylygy bilen, Aşgabat-Kazan-Aşgabat ugry boýunça tölegsiz täzeden ýazylyp berler.
Kassalarda awiabiledi täzeden resmileşdirmeginiň zerurlygy ýok. Ýolagçylar awiabiletde görkezilen senä we wagta görä Aşgabatda we Kazanda howa gämisine münmek üçin belligi alnyp bilerler.
2. Pul serişdeleriniň yzyna gaýtarylmagy:
Aşgabat-Kazan-Aşgabat ugry boýunça ýerine ýetiriljek gatnawlara awiabiledini üýtgetmek islemeýän ýolagçylara, Awiakompaniýanyň häzirki hereket edýän düzgünlerine we görkezmelerine laýyklykda tutumsyz doly yzyna gaýtarylar.
Pul serişdeleriniň yzyna gaýtarylmagy diňe awiabilediň satyn alnan ýurdunda gaýtarylýar.
***
Russiýa Federasiýasyndaky satuw ofisleriniň salgylary
Kazan
Dekabristow köçesi 85.B “Relita” söwda merkezi
Iş wagty: Duşenbe-Anna 10.00-18.00-dan
Telefon: + 7 (843) 500-55-31
***
Moskwa
Domodedowo aeroportundaky ofis
Telefon: +7 (903) 243-22-50
Iş tertibi:
Duşenbe we penşenbe 10:00-19:00-dan
Sişenbe 15:00-23:00
Çarşenbe 15:00-22:00
Anna 05:00-15:00
Şenbe ýekşenbe 10:00-17.00-dan
***
Paweletskiý demir ýol menzilindäki ofis -3-nji gat, 35-nji otag
Telefon: +7 (915) 109-85-02
Iş wagty Duşenbe-Anna 10:00-19:00
Şenbe we ýekşenbe 10:00-17:00 aralygynda
Türkmenistan awiakompaniýasy açyk görnüşli paýdarlar jemgyýeti oňaýsyzlyk üçin ötünç soraýar we düşünendikleri üçin ýolagçylara sagbolsun aýdýar.