Şu gün Aşgabatda Merkezi Aziýanyň we Türkiýäniň gurak hem-de şorlaşan çäklerinde tebigy serişdeleri toplumlaýyn dolandyrmak atly halkara maslahat öz işine başlady. Bu barada Watan habarlar gepleşiginde habar berildi.
Bellenilişi ýaly, çäre BMG-niň Azyk we oba hojalygy boýunça guramasynyň (FAO) Ählumumy ekologiýa gaznasynyň sebitleýin taslamasynyň çäklerinde guralýar.Ol Türkmenistanyň Tokaý kodeksine düzedişleri girizmek boýunça Milli maslahatyň maksatnamasyny öz içine alýar.
Halkara maslahata gatnaşyjylar tokaý zolaklaryny peýdalanmagyň ugurlaryny we onuň durnukly usullaryny işläp taýýarlmak boýunça Türkmenistanda alnyp barylýan köptaraply işler bilen tanyşdyryldy. Şunda tokaý zolaklaryny durnukly peýdalanmak boýunça wezipeleri kesgitlemek, oňa täzeçil usullary ornaşdyrmak bilen baglanyşykly meselelere garaldy.
Maslahatyň çäklerinde degişli ugurlar boýunça halkara derejede alnyp barylýan toplumlaýyn işleriň ähmiýeti we olary ösdürmegiň geljekki ugurlary boýunça gyzyklanma bildirilip pikir alşyldy.
Sebit we dünýä ähmiýetli möhüm meselelere bagyşlanan halkara maslahat öz işini dowam edýär.