19-njy iýulda Aşgabatda Türkmenistanyň senagatçylar we telekeçiler bileleşiginiň (TSTB) ýoj-niň gurluşygyna başlandy diýip 20-nji iýulda “Neýtralnyý Türkmenistan” gazýeti ýazdy.
Onuň düýbüniň tutulmagy bilen bagly dabara söwda boýunça wise-premýer Batyr Atdaýew we TSTB-niň başlygy Döwran Hudaýberdiýew dagy gatnaşdylar.
Bellikde aýdylmagyna görä, ýoj 4 sany okuw binasyndan we studentleriň iki sany umumy ýaşaýyş jaýyndan (300 orunlyk) şeýlede kitaphanadan, naharhanadan, açyk we ýapyk sport zalyndan ybarat.Emma, TSTB-niň saýtynda ýoj-niň 4 binadan ybarat bolup, ikisiniň okuw jaýy we ikisiniň hem umumy ýaşaýyş jaýy boljakdygy ýazylypdyr.
ÝOJ-ny hususy “ Nur bina gurluşyk” şirketi gurar. Meýilleşdirmä görä, okuw jaýy 2025-nji ýylda ilkinji studentlerini kabul eder.
12-nji aprelde TSTB-niň döredilmeginiň 14 ýyllygy bellenende, kiçi Berdimuhamedow karara gol goýup, TSTB-niň ýoj-niň gurluşygyny maliýeleşdirmek üçin “Rysgal” bankyna karz bölüp bermek barasynda Merkezi Banka görkezme beripdi.
Resminamada okuw jaýynyň gurluşygyna aprelde başlamak we desgany 2025-nji ýylyň sentiýabrynda doly taýýar edip tabşyrmak barada görkezme berilýär.
ÝOJ-niň salgysy Görogly köçesiniň 183-nji jaýy.The post Aşgabatda üç aý gijikdirilip TSTB-niň ÝOJ-niň gurluşygyna başlandy first appeared on Türkmenistanyň Hronikasy.