Prezident Gurbanguly Berdimuhamedow 5-nji iýulda geçiren hökümet maslahatynda “Awaza” milli syýahatçylyk zolagynyň telekeçileriň ygtyýaryna geçirilmegi barada karara gelndigini habar berdi.
Türkmenistanyň Senagatçylar we telekeçiler birleşiginiň başlygy Aleksandr Dadaýewe “Awazanyň” sagaldyş-dynç alyş toplumlaryny dolandyrmak boýunça geňeş döretmek, her bir oteli ýa desgany bir ýa-da birnäçe telekeçä geçirmek meselesini çözmek tabşyryldy.
“Awazadaky” myhmanhanalar we beýleki desgalar ozal döwlet gurluşynyň balansynda saklanýardy.