“Bundesliganyň” soňky 11 ýylynyň çempiony “Bawariýa” topary Italiýanyň çempiony “Napoliniň” Günorta koreýaly goragçysy Kim Min Çženi transfer edendigini resmi ýagdaýda mälim etdi.Nemes kluby 26 ýaşly goragçy bilen 5 ýyllyk şertnama baglaşdy.
Ol ýylda 7,5 million ýewro hak alar. “Bawariýa” topary Kim Min Çženiň transferi üçin italýan toparyna 50 million ýewro berer.Kim Min Çže geçen möwsüm “Napolide” 45 oýunda meýdança çykdy.
Ol “Napoliden” öň “Fenerbahçede”, ondan öňem “Beižing Goan” hem-de “Çeonbuk Hýundai Motors” klublarynda oýnapdy.