“Bawariýa topary Germaniýanyň Super Kubogy duşuşygynda wise-çempion “Borussiýa Dortmunddan” 3-2 hasabynda üstün çykyp, soňky 7 günde 2-nji
Super Kubogyny gazandy. Münhenlilere ýeňiş getiren gollary Tolisso (18), Müller (31) hem-de Kimmih derwezä girizdi. Çekeleşikli geçen oýunda dortmundlylaryň adyndan Brandt (39) bilen Holand (55) tapawutlandy. Netijede, 3-2 hasabynda ýeňiş
gazanan “Bawariýa” 8-nji gezek Germaniýanyň Super Kubogyna mynasyp boldy. Şu möwsümdäki 5-nji kubogyny gazanan “Bawariýa” soňky 10 ýylda 7-nji gezek Germaniýanyň Super Kubogy duşuşygynda “Borussiýa Dortmund” bilen duşuşdy. Şolaryň 3-sinde ýeňiş gazanan “Borussiýa Dortmund” Super Kubogy 6 gezek eýeledi. Olar 7-nji gezek eýeläp “Bawariýa” bilen deňleşmegi maksat edinýärdi.