Germaniýanyň çempionatynda arakesmeden öň soňky tapgyrda sanawyň ýeňlişsiz lideri “Bawariýa” myhmançylykda “Haýdenhaýmy” 4-0 hasabynda ýeňdi.Her ýarymda 2 gol geçiren münhenlileriň adyndan Stanişiç (15) bilen Olise (32) hem-de Luiz Diaz (86) bilen Harri Keýn (90+2) tapawutlandy.
Keýn “Bundesligada” 100 gola iň az duşuşykda goşant goşan futbolçy rekordynyň täze eýesi boldy.Ol 78 oýunda 81 gol, 19 asist etdi.Bu ugurda ozalky rekord 119 oýun bilen Arýen Robbene degişlidi.
Iki atdaş toparyň duşuşygynda “Borussiýa Dortmund” öz meýdançasynda “Borussiýa M” toparyny Brandt (10) hem-de Baýeriň (90+7) gollary bilen 2-0 hasabynda utdy.
Öňdäki orunlar ugrunda göreş alyp barýan 2 toparyň duşuşygynda “Baýer” myhmançylykda “Leipsigi” garşydaşynyň öňe geçendigine garamazdan, 3-1 hasabynda ýeňlişe sezewar etdi. Lewerkuzenlilere ýeňiş getiren gollary Terrie, Şik hem-de Kalbert geçirdi.
7 goluň geçirilen oýnunda “Wolfsburg” öz meýdançasynda “Fraýburgdan” öňde barýarka, 4-3 hasabynda asgyn geldi. Ýer eýelerinden ýaş hüjümçi Peýçinowiçiň het-trigi ýeňşe ýetmedi.
15-nji tapgyryň netijeleri:
Borussiýa D Borussiýa M: 2-0 (Brandt 10, Baýer 90+7),
Ştutgart Hoffenhaým: 0-0,
Köln Union Berlin: 0-1 (Şefer 90+1),
Hamburg Aýntraht: 1-1 (Sambi Lokonga 19 Larsson 26),
Wolfsburg Fraýburg: 3-4 (Peýçinowiç 13, 49, 69 Troý 5, Grifo 56 p, Seelt 71 ö.d., Şerhant 78),
Augsburg Werder: 0-0,
Leipsig Baýer: 1-3 (Şlager 35 Terrie 40, Şik 44, Kalbert 90+7),
Maýns Sankt-Pauli: 0-0,
Haýdenhaým Bawariýa: 0-4 (Stanişiç 15, Olise 32, Diaz 86, Keýn 90+2)