Bir döwürler “Real Madridde” oýnan ispaniýaly ýyldyz oýunçy Isko “Betis” topary bilen 1 ýyllyk şertnama baglaşdy. 31 ýaşyndaky ýarymgoragçy geçen ýylyň dekabryndan bäri hiç bir klubda çykyş etmän gelýärdi.
Ol soňky gezek “Sewilýanyň” köýnekçesini geýdi. “Walensiýada” futbola başlan Isko “Malaga” hem-de “Real Madrid” toparlarynda çykyş etdi. Şeýle-de, “Betis” ispaniýaly goragçy, ozalky oýunçysy Mark Bartra bilen 1 ýyllyk şertnama baglaşdy.
Geçen möwsüm Türkiýäniň “Trabzonspor” toparynda oýnan 32 ýaşyndaky oýunçy kluby bilen şertnamasyny ýatyrypdy.Bartra 2018-2022-nji ýyllar aralygynda 4,5 möwsüm “Betisde” oýnapdy. “Barselonada” möwsüm oýnan Bartra “Bundesliganyň” wekili “Borussiýa Dortmundda” 1,5 möwsüm çykyş etdi.
***
Ispaniýanyň “Wilýarreal” topary nemes kluby “Leipsigiň” norwegiýaly hüjümçisi Aleksander Sörloty 10 million ýewro transfer etdi.Ispan kluby goşmaça tölegler hem tölär. 27 ýaşyndaky hüjümçi ispan kluby 5 ýyllyk şertnama baglaşdy.
Soňky 2 möwsümi “Real Sosiedadda” kärendesine geçiren Sörlot 90 duşuşykda 24 gezek tapawutlandy.Sö rlot “Bodo-Glimt”, “Groningen”, “Midtýullan”, “Kristal Palas”, “Gent”, “Trabzonspor” ýaly klublarda-da çykyş etdi. Şeýle-de, “Wilýarreal” topary “Milanyň” italiýaly goragçysy Matteo Gabbiany hem 1 ýyllyk şertnama bilen kärendesine düzümine goşdy.