Şu gün Birleşen Arap Emirlikleriniň Abu-Dabi şäherindäki Ettihad Arena stadionynda uly boks agşamy geçirildi.Boks agşamynyň esasy tutluşygynda ýarym agyr agramda WBA çempionlyk guşagynyň eýesi russiýaly Dmitriý Biwol meksikaly Hilberto Ramirese garşy ringe çykdy. Çempionlyk tutluşygy doly 12 raund dowam edip, eminleriň biragyzdan gelen netijelerine görä, Biwol ýeňiji diýlip yglan edildi. Şunlukda, russiýaly boksçy bassyr dördünji söweşde özüne degişli çempionlyk guşagyny üstünlikli goramagy başardy.
Umumylykda alnanda bolsa, bu üstünlik Biwol üçin karýerasyndaky 21-nji tutluşykda gazanylan 21-nji ýeňişdir.Biwol şol söweşleriň 11-sinde garşydaşyny nokaut etmek arkaly wagtyndan öň ýeňiş gazandy.